Radtour mit de VffL Berumbur
- Details
- Kategorie: Radsport
- Veröffentlicht am Montag, 05. September 2011 23:04
Unser Mitfahrer Heino Schmull war so nett, über unsere diesjährige Radtour nach Tannenhausen einen kleinen Bericht zu schreiben.
Vielen Dank dafür, Heino!
An 26. August sull de Radtour van´d Marktplatz in Haag losgahn. Up de Inladung weren anto 40 Lü kamen, van Kind bit Opa un Oma. Um half dree sull dat egentlich losgahn - abers van Süden her trucken düster Gewitterwulken up Haag daal.
Unner de Arkaden van de Geschäftshusen kunnen we schulen. As dat denn upballern de, meen uns Baas Thomas Grimm, wi kunnen´t woll wagen lostofoahrn.
Wegen dat schwore Unglück mit de Radfoahrers bi Esens foahren to Sekerheit 4 Mann mit Warnwesten vör- un achteran.
Dör Siedlungen un aver Nebenstraten mit minn Verkehr gung dat denn dör Halfmaan, Rechtsupweg bit na´t Kiebitzweg in Berumerfehn - dör de wunnerbare Naturlandschup. Hier weer de erste Stop, wor wi uns mit Krintstuut mit Botter un anner lecker Reef stärken kunnen. Dat "Organisationsteam" harr as elke Joahr för allens sörgt.
Na disse Stop gung dat denn wieder dör Münkeboe in Richtung Königskiel. Hier is in 2007 van de Gemeend Grootheid un de Stadt Auerk een wunnerboren Radwegverbindung na Abelitzmoor makt woorn. An´t Enn van disse Weg an´t Abelitzschloot stunn weer uns Versorgungswagen. Van hier ut harrn wi noch ca 1/2 Stünn bit an uns Ziel to foahrn.
In Sünnschien gung dat denn wieder bit na de "Gaststätte Zur grünen Tanne" in Tannenhusen. Na disse 30-km-Radtour mussen wi uns eerstmal verhalen. Dat geef leckere Grilleree un wat to drinken.
För eenig Groten un besünners för de Kinner wurrn Urkunden för "besondere Leistungen" verdeelt.
To´n Schluß wurrn uns Foahrraden mit een Anhänger na Haag torügbrocht - un wir kunnen heel kommodig mit Bus achteranfoahrn. So um 21.00 Uhr weern wi denn wer in Haag.
All minanner freien sük all up de Radtour in 2012.
